Investimet e Huaja Direkte(IHD) kanë shënuar rënie drastike në 3 mujorin e 2-të të këtij viti, përkatësisht në periudhën prill-qershor 2023.
Sipas Bankës Qendrore të Kosovës (BQK) vlera e përgjithshme e IHD-ve në këtë periudhë ka arritur në 184.4 milionë euro, apo për 12.5% më pak se në periudhën e njëjtë të vitit të kaluar.
“Rënia IHD-ve është evidentuar kryesisht në sektorët e patundshmërisë, ndërtimtarisë dhe sektorin e xehetarisë përfshirë guroret”, bëhet e ditur në raportin e BQK-së, shkruan Frontonline.
Sipas këtij raporti, sektori i patundshmërisë mbulon 60% e përgjithshme të IHD-ve, apo 110.6 milionë euro për periudhën prill-qershor 2023.
