Partia CDU që aktualisht mban pushtetin ka fituar në Hesen 34.6% të votave, që është një rritje prej 7.6 % në krahasim me zgjedhjet e 2018. Prandaj Boris Rhein do të qëndrojë në detyrë. Pas fitores së zgjedhjeve në këtë land, 51-vjeçari kristiandemokrat foli për një mandat të qartë qeveritar. Rhein ofroi bisedime për bashkëpunimin e mundshëm me SPD dhe të Gjelbërit, si dhe për FDP.
Rënia e partive në pushtetin federal
Sipas rezultateve paraprake, të Gjelbrit, partneri i koalicionit të CDU-së në parlamentin e landit me qendër në Wiesbaden për dhjetë vjet, arriti 14.8% të votave. Matematikisht ekologjistët mund të vazhdojvë qeverisjen me CDU pavarësisht humbjeve (minus 5%).
Dita e zgjedhjeve është e hidhur për SPD-në e kancelarit Olaf Scholz dhe liberalët. Socialdemokratët me kandidaten e tyre kryesore Nancy Faeser (ministre e Brendshme në nivelin federal), arritën rezultatin e tyre më të keq në histori me SPD të shtetit Hesenit me vetëm 15.1 për qind të votave (minus 4.7%). Faeser foli për një rezultat “shumë zhgënjyes” zgjedhor.
FDP akoma është në buzë të pragun për futje në parlament. Sipas rezultateve jozyrtare, ajo ka fituar 5.0 për qind (minus 2.5 %). Ndërsa forca e dytë më e madhe në këtë land do të jetë në mandatin e ardhshëm Alternativa për Gjermani, AfD me orientim të djathtë, e cila ka fituar 18.4% (një rritje prej 5.3%.
Nency Faeser humbësja më e madhe e zgjedhjeve në HessenNency Faeser humbësja më e madhe e zgjedhjeve në Hessen
Koalicionet e mundshme
Matematikisht është i mundur jo vetëm vazhdim i qëndrimit në pushtet mes CDU dhe ekologjistëve, por edhe koalicioni mes CDU dhe SPD. AfD e krahut të djathtë nuk është në kombinime për koalicion, shkruan DW.
Të drejtë vote kanë pasur 4.3 milionë votues. Në zgjedhje morën pjesë 66% prej tyre.
