Presidentja e vendit, Vjosa Osmani, ndërsa po merr pjesë në Samitin e Komunitetit Politik Evropian, po zhvillon takime me liderë botërorë, ndërkohë ajo është ka takuar edhe kryeministrin e Holandës, Mark Rutte, me të cilin folën për situatën e sigurisë në Kosovë, përcjell InLajmi.
Gjatë këtij takimi, presidentja Osmani theksoi domosdoshmërinë për t’i kërkuar llogari Serbisë për agresionin në Banjskë të Zveçanit më 24 shtator.
“Theksova domosdoshmërinë për t’i kërkuar llogari Serbisë për aktin e saj terrorist dhe aktin e agresionit kundër Kosovës, i cili paraqet kërcënim për paqen dhe sigurinë në të gjithë rajonin”, është shprehur presidentjaOsmani,
Ndryshe, shefja e shtetit gjatë të enjtes në takimet me presidentin e Francës, Emmanuel Macron, kryeministrit britanik, Rishi Sunak, e liderëve të tjerë evropianë ka kërkuar që Serbia të mbahet përgjegjëse për agresionin ndaj Kosovës.
Ndërkohë që presidentja ka refuzuar edhe takimin me presidentin e Serbisë, Aleksandar Vuçiq, përpara se të vendosen sanksione ndaj shtetit serb.
At EPC, I had an exchange with Dutch Prime Minister @markrutte on the security situation in our country.
Stressed the necessity to hold Serbia accountable for its terrorist act and act of aggression against Kosovo, which poses a threat to peace and security in the entire region. pic.twitter.com/8DFmOfc3D1
— Vjosa Osmani (@VjosaOsmaniPRKS) October 6, 2023
