Deputetja e Partisë Demokratike të Kosovës, Ganimete Musliu, ka reaguar ndaj sjelljes së shefit të ekzekutivit Albin Kurti dhe kabinetit qeveritar që të mos përgjigjen në asnjë nga pyetjet parlamentare të parashtruara nga opozita, derisa ata t’i votojnë marrëveshjet ndërkombëtare, raporton InLajmi
Deputetja Musliu, shprehet se ky veprim i Kurtit dhe kabinetit të tij është një përpjekje për ta instaluar diktuarën në Kuvendin e Kosovës.
“Me ardhë Qeveria e me na qit kushte në Parlament deputetëve të zgjedhur të popullit, kjo është diktaturë. Kjo është diktaturë, por s’do të lejojmë që të instalohet diktatura këtu. Pyetjen parlamentare e kam bërë për Xhelal Sveçlën, por meqë Xhelal Sveçla s’ka ardhë me protestu e me ja majtë zhagun Albin Kurtit këtu, unë pyetjen s’po e bëjë, por po i bëjë thirrje Xhelal Sveçlës, mblidhe kabinetit nga ‘Belvedere’ e bire në Prishtinë, e leje policinë të qet t’i kryejnë detyrat e tyre”, tha deputetja Musliu
