Qeveria e Kosovës ka filluar të ndajë informacione për qytetarët lidhur me liberalizimin e vizave, rregullave dhe penalizimeve që mund të rrjedhin si pasoj e mosrespektimit të rregullave, raporton InLajmi.
Prandaj të enjten dhe të premten qytetarët në sheshin “Skënderbeu” në Prishtinë do të kenë mundësi që të mësojnë më shumë rreth liberalizmit të vizave.
Mendi Sejdiu, këshilltar politik i zv.kryeminsitrit Besnik Bislimi, ndërsa foli pë fushatën informuese tha se qëllimi i kësaj ngjarje është marrja e informacioneve të nevojshme për të kuptuar plotësisht të drejtat në lidhje me udhëtimin në zonën Shengen.
Ai tha se liberalizimi i vizave ka edhe rregullat që duhet të respektohen, sikur mos tejkalimi i 90 ditëshit brenda 180 ditëve, qytetarët të ken pasaportë valide, qëllimi i udhëtimit, mjete të mjaftueshme financiare.
Sejdiu vuri në theks se liberalizimi i vizave nuk do të thotë e drejtë pune apo studime.
Shkeljet e rregullave të liberalizimit të vizave, mund të çojnë në pasoja serioze, përfshirë gjoba financiare, shënim në pasaportën tuaj dhe ndalim të hyrjes në zonën Shengen për deri në 5 vjet.
Nga data 1 janar 2024, qytetarët do të gëzojnë lirinë e udhëtimit pa viza në zonën Shengen.
