Deputetja e LDK-së, Rrezarta Krasniqi, reagon ndaj deklarimeve të kryeministrit Albin Kurti për rritje ekonomike në Kosovë, ndërsa thekson ajo se kjo është tallje me popullin, përcjell InLajmi
Krasniqi shprehet se është hipokrizi që në kulmin e krizës e inflacionit, kur një pension nuk mjafton as për medikamente, kur paga e punonjësit privat nuk e mbush shportën e konsumit mujor dhe kur paga e mjekut, policit dhe ushtarit nuk mjafton për faturat e larta të energjisë elektrike, të flasim për rritje ekonomike.
Postimi i plotë i saj:
Në kulmin e krizës dhe inflacionit, atëherë kur paga e një pensionisti nuk mjafton as për medikamentet e nevojshme, kur paga e punonjësit privat nuk e mbush shportën e konsumit mujor, kur paga e mjekut, policit dhe ushtarit nuk mjafton për faturat e larta të energjisë elektrike dhe altrnativë është braktisja e vendit për të siguruar ekzistencë, bash atëherë Kryeministri Kurti del dhe flet me mburrje për rritje ekonomike.
Hipokrizi dhe tallje me popullin, ndryshe kjo nuk mund të quhet! /InLajmi/
