Ka përfunduar aksioni i Policisë së Kosovës në 4 nga 5 lokacionet që po bastisen me urdhëresë të gjykatës në komunat veriore të Kosovës.Këtë e ka konfirmuar për “Betimi për Drejtësi“, Veton Elshani, zëvendësdrejtor i Policisë për veriun e Mitrovicës.
“Lidhur me zhvillimet e fundit në veri, janë duke u zhvillu aksione në 5 lokacione në tri komuna. Në katër prej lolacioneve të bastisura, aksioni ka perfundu”, tha Elshani.Sulmi terrorist në Banjskë, Policia po zhvillon operacion në pesë lokacione në 3 komunat veriore
Prishtinë- Policia e Kosovës (PK) njofton se më bazë të urdhëresës së gjykatës, po zhvillohen kontrolle në pesë lokacione në tri komunat në veri të Kosovës.
Në njoftimin e Policisë, thuhet se ky operacion po zhvillohet lidhur me ngjarjet e fundit të ndodhura në fshatin Banjskë, raporton “Betimi për Drejtësi“.
“Sot, me datën 29.09.2023 Policia e Kosovës është duke zbatuar urdhëresën e gjykatës kompetente për kontrolle, në pesë lokacione në3 komunat në veri të Kosovës. Këto operacione janë duke u zhvilluar lidhur me ngjarjet e fundit të ndodhura në fshatin Banjskë”, thuhet në njoftim.Aty thuhet se është në vendin e ngjarjes edhe prokurori.
“Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së). Me këtë rast Policia e Kosovës njofton qytetarët se nuk kanë nevojë për ndonjë shqetësim” , thuhet më tej.Bëhet e ditur se këto urdhër kontrolle, janë duke u zbatuar në koordinim me EULEX dhe KFOR.
Ndryshe, në sulmin terrorist të së dielës mbeti i vrarë rreshteri Afrim Bunjaku, u plagos zyrtari policor Alban Rashiti e u lëndua një tjetër. Të vrarë mbetën edhe tre sulmues.
