Kryeministri i Kosovës, Albin Kurti,ndërsa foli për sulmin nga bandat kriminale, ai kërkoi ekstradimin e sulmuesve që kanë ikur në Serbi, raporton InLajmi.
Gjatë deklarimit në seancën plenare, kryeministri Kurti ka kërkuar që Serbia të ndëshkohet nga bashkësia ndërkombëtare, sepse në të kundërt, ajo do të vazhdojë njësoj.
“Të dielën përjetuam një sulm agresor nga bandat kriminale të Serbisë ndaj shtetit demokratik. Sulmi i organizuar nga bandat terroriste la të vrarë rreshterin Afrim Bunjaku. Ishte ditë e rëndë për vendin tonë. Policisë do t’i mungojë një pjesëtar e do ti mungojë edhe familjes së tij”, tha Kurti.
Tutje u shpreh kryeministri se në veri kishte sul terrorist që cënoi sovranitetin e sigurinë.
“I vetmi polic që u vra ishte ai që u zu në prit. Ata u vranë ose u arrestuan ose po përndiqen. Kishte sulm terrorist që cenoi sovranitetin dhe sigurinë kombëtare. Sulmuesit që ikën, duhet të ekstradohen. Organizata ‘Mbrojtja Civile’ duhet të shpallet organizatë terroriste edhe nga vendet tjera në rajon, siç vepruam ne”, tha shefi i ekzekutivit.
Për sulmin në veri, Kurti kërkoi që bashkësia ndërkombëtare ta ndëshkoj Serbinë
“Serbia duhet të ndëshkohet nga bashkësia ndërkombëtare dhe nëse nuk e bën këtë, ajo mund ta përsëris këtë gjë”, tha Kurti.
Kurti ka përmendur edhe armët që janë gjetur në këtë aksion, duke thënë se të gjitha janë të prodhuara në Serbi.
