Kryetari i Këshillit Kombëtar të Shqiptarëve në Luginën e Preshevës, Nevzad Lutfiu ka bërë thirrje për unifikim të faktorit politik në Luginë të Preshevës pas zhvillimeve të fundit në Kosovë, përcjell InLajmi.
Lutfiu ka theksuar se në kohën kur në Kosovë partitë politike janë unifikuar për interes nacional, është e palogjikshme shprehet ai që në Luginë të ketë debate e akuza mes subjekteve politike.
Ai është shprehur se në këto momente nevojitet maturi dhe vetëpërmbajtje.
Postimi i plotë i tij:
Ftesë për unifikim për faktorin politik në Luginë të Preshevës
Në kohën kur partitë politike në Kosovë janë unifikuar për një interes nacional dhe kanë një qasje karshi situatës së fundit, është i pakuptueshëm dhe shumë i dëmshëm debati dhe akuzat mes subjekteve politike në Luginë.
Në këtë moment na duhet maturi, vetëpërmbajtje, dhe nëse ka nevojë ta përmirësojmë njëri-tjetrin.
Neve kemi një problem, diskriminimin dhe shtypjen që na bën Serbia dhe fokusi ynë duhet të konsistoj pikërisht në këto tema.
Andaj, i ftoj pa përjashtim gjithë partitë politike në Luginë të jenë të unifikuar dhe të tërhiqen nga ky diskurs komunikimi që nuk na çon askund!./InLajmi/
