Ministri i Kulturës, Hajrullah Çeku, ndërsa foli për ngjarjen e së dielës në veri tha se Manastirit i Banjskës ka pësuar dëmtime nga sulmi i grupit kriminal serb ndaj Policisë së Kosovës, raporton InLajmi.
Ministri theksoi gjithashtu se qëllimi i pjesëtarëve të këtij grupi dhe urdhërdhënësve të tyre kanë qen që përveç dëmtimit fizik, të dëmtohen edhe marrëdhëniet ndëretnike dhe ndërfetare në Kosovë.
Ndë të tjera ministri Çeku u shpreh se terroristët serbë kanë përdorur një aset të trashëgimisë kulturore për të kryer sulmet dhe për të mbajtur armatimin e tyre.
“Sulmi terrorist i sponsorizuar nga shteti i Serbisë përveç që ia mori jetën një polici të devotshëm të Kosovës kishte edhe një dimension të rrezikshëm dhe të dëmshëm , atë të përdorimit të një aseti të trashëgimisë kulturore dhe fetare për qëllime kriminale. Manastiri Ortodoks në fshatin Banjskë të Zveçanit është monument i trashëgimisë kulturore i mbrojtur me ligje të Kosovës përdorë si strehë nga grupi terrorist, përfshirë armatimin e tyre”, tha ai.
Ministri Çeku para kabinetit qeveritar shpalosi historikun e Manastit të Banjskës që shkrimet tregojnë se ka gjenezën e periudhës romake.
“Për dijeni të të gjithëve, Manastiri i Banjskë u ndërtuar në pjesë e parë të shekullit XIV mbi rrënojat e një kishe të vjetër, të hershme, paleokristian, teksa supozohej se në atë vendbanim gjendej edhe një vendbanim antik romak, pasi që aty janë gjetur shkrime të periudhës romake. Terroristet kanë shkaktuar dëme jo të vogla në strukturën e këtij Manastiri”, deklaroi Çeku./InLajmi/
