Sulmi i së dielës në Banjskë të Zveçanit në Kosovë tregoi tendencën e serbëve për rikthimin e konfliktit të Ballkan. Kështu e sheh ish-ambasadori shqiptar në OKB Agim Nesho, sulmin terrorist të 3 ditëve më parë ku u vra efektivi Afrim Bunjaku.
Në një lidhje për “Dita Jonë” ai tha se ky konflikt është pjesë e një skenari më të thellë dhe më të gjatë. Sipas tij ëndrra e Serbisë është të zbatojë projektet ruso-serbe duke ndarë Kosovën dhe për të krijuar rolin dominues në Ballkan.
“Ka tendencë nga serbët për rikthim të konfliktit në Ballkan. Këtë tregoi edhe sulmi terrorist që është një përgatitje e formacioneve ushtarake serbe për të mbajtur në këmbë konfliktin e ngrirë në veriun e Kosovës. Është strategji e vjetër e serbëve, diçka e përgatitur nuk kanë pranuar realitetin e vitit 200 të krijimit të republikës së Kosovës. Ky konflikt është pjesë e një skenari më të thellë e më të gjatë. Ata do presin rastin se kur mund të bëhet një zgjidhje e tillë. Serbia vazhdon të zbatojë projektet ruso serbe për të qenë të fituar për të ndarë Kosovën dhe për të krijuar rolin dominues në Ballkan, kjo është ëndrra e vjetër e Serbisë”.
Ish-diplomati paralajmëroi edhe skenarët më të këqij serb pas sulmit terrorist të së dielës.
“Ne duhet të jemi të përgatitur. Skenari kryesor që Serbia po pret konferencën që do të mbyllë rezultatin e luftës në Ukrainë. Serbia duke iu bashkuar Rusisë mendon që ky është shansi më i madh për t’u futur edhe ajo në marrëveshjen ndërkombëtare për të marrë diçka nga Kosova. Kjo është e papranueshme, por është një teori që po ndjek politika e nacionalizmit serb. Deklarata e Vuçiç që nuk do ta njohë kurrë Kosovës e papranueshme, sidomos për filozofinë europianë. Kompromisi janë mjetet e diplomacisë moderne perëndimore. Vuçiç nuk e pranon këtë gjë, shtritë si tillë, ka një politikë që ruhet nga regjimi autokratik, ka projekte e tij për Ballkanin dhe mendoj që nuk do të bëhet kurrë pjesë e BE përsa kohë që regjimi nacionalist të jetë në Serbi. Dialogu po pengohet prej tyre, nuk mund të ketë dialog të njëanshëm”.
Ai vlerëson kryeministrin Kurti për qëndrimin e tij në princip, ndërsa nuk kurseu kritikat ndaj kryeministrit Edi Rama për politikën e ndjekur me Vuçiq dhe Kosovën. Sipas tij Rama duhet të largohet urgjentisht nga përkrahja indirekt që i bën presidentit serb.
“Albin Kurti fitoi se qëndroi në princip dhe pa dinakërinë e një nacionalisti të ri mbeti krahu i djathtë i Milosheviçit si ministër i propagandës dhe penetroi në politikën perëndimore duke dhënë premtime. Kurti qëndroi duke mos u përulur dhe kundër tij u sulën të gjithë dhe pati politikanë shqiptarë që më shumë besuan të Vuçiq sesa tek Kurti. Kur thua naiv i thua të gjitha se Rama e personalizoi politikën shqiptare. kjo ishte çështje kombëtare që i takonte gjithë popullit, gjithë parlamentit dhe bëri politkë të gabuar, i besoi Vuçiçit duke u bazuar në aftësitë e tij për të akumuluar sa më shumë pushtet. Vuçiq me dhelpërinë e tije mashtroi dhe tha nuk jam kundër bashkëqeverisjes me shqiptarët, por nuk e duroj dot Kosovën të bëjmë një marrëveshje të marrim dhe Trepçen. Populli edhe nga fitoret e vogla bëhet entuziast. Rama i humbi Shqipërisë 10 vjet të çmuara me një politikë të gabuar. Është një moment kritik për Shqipërinë. Rama urgjentisht duhet të ikë nga politika dhe përkrahja indirekt që i bën Vuçiqit”, shkruan A2CNN.
Nesho theksoi gjithashtu se ndërkombëtarët duhet të shohin që dyshja Rama-Vuçiç nuk janë faktorë stabiliteti në Ballkan.
