Sulmi terrorist që ndodhi të dielën ndaj Policisë së Kosovës në veri, ku mbeti i vrarë rreshteri Afrim Bunjaku dhe u plagos një tjetër, ka nxitur reagime të shumta në vend e jashtë vendit, përcjell InLajmi.
Reagimet e shumta, shprehnin pikëllimin për vrasjen e policit, ndërsa shprehnin edhe falënderime për për pjesëtarët e policisë për veprimet profesionale e maturi.
Një falënderim i veçantë për Policinë e Kosovës, njëherësh nderim për policing e vrarë në sulmin terrorist në Banjskë të Zveçanit vjen nga New York i SHBA-së.
Në shenjë falënderimi për Policinë e Kosovës, të dielën sheshin “Times Square” në New York, në ekranin gjigand është shfaqur logo e policisë bashkë me atë të UÇK-së dhe FSK-së.
“Faleminderit heronjve tanë, Policisë së Kosovës. Rroftë Kosova Republikë”, ishte mbishkrimi që ishte vendosur tek fotografia ku shihej logo e Policisë së Kosovës.
Në fotografinë tjetër ku shihej logo e UÇK-së ishte mbishkrimi “Të vdesësh për atdhe është sikur të rilindësh përsëri – Afrim Bunjaku”.
E ky nderim vjen nga Dren Deva nga Mitrovica dhe kompania e tij “Tafingo”.
