Nënkryetarja e PDK-së, Vlora Çitaku i ka dalë në krahë kryeministrit Albin Kurti, derisa ky i fundit është fajësuar nga presidenti i Serbisë për situatën në veri, përcjell InLajmi.
Çitaku thotë se pavarësisht se Kurtin e ka oponent politik, Vuçiqi nuk mund t’ia lerë atij fajet për situatën në veri
Ajo thotë se fajtori i vetëm për gjendjen e sotme në veri është Serbia dhe grupet paramilitare
Postimi i plotë i saj:
Shfaqje teatrale dhe patetike e Vucicit sonte.
Kurti tha ka faj. Njejtë thonin për Thaçin, Mustafën, Haradinajn.
Kurtin unë e kam oponent politik dhe e kundërshtoj zëshëm për politikat e tij. E fajsoj për mungesën e reagimit qeveritar karrshi inflacionit, mungesës së projekteve zhvillimore, mungesën e koordinimit me SHBA dhe BE. E kritikoj për rrënimin e dialogut social me media, biznese, shoqëri civile, opozitë. E kritikoj për qasjen e tij në dialog me Serbinë.
Por, për gjendjen e sotme në veri, Serbia dhe grupet paramilitare kanë faj. Ju e keni provokuar situatën.
Shpresoj ta merrni mësimin.
Kosova është ndërtuar qe 24 vite.
