Kryetari i Komunës së Suharekës Bali Muharremaj, ka përgënjeshtruar zërat se ka aderuar në Lëvizjen Vetëvendosje, duke theksuar se nuk kam pasur asnjë kontakt me ndonjë subject politik e as që mendoj të kem, përcjell InLajmi.
Tutja ka kujtuar Muharremaj për të gjithë se ai është kryetar i Komunës së Suharekës i votuar nga qytetarët edhe për një mandat.
Ndërkohë ka shtuar ai se si kryetar është në shërbim të të gjithë qytetarëve pa dallim.
Postimi i plotë i tij:
Sqarim
Unë jam Kryetar i Komunës së Suharekës i votuar edhe për mandatin e 2-të sipas procesit zgjedhor.
Jam kryetar i degës së AAK-së në Suharekë.
Mirëpo përderisa jam në mandatin e kryetarit të komunës, ju shërbej të gjithë qytetarëve pa dallim.
Fushata Zgjedhore na dallon politikisht me oferta zgjedhore, ndërsa me momentin e dhënjes së betimit si kryetar komune, qeverisja për qytetarët nuk ka dallime.
Sot ka qenë FESTARI dhe jo 1 Prilli.
Asnjë kontakt me kurrfarë subjekti politik për aderime nuk kam pasur dhe as që mendoj të kem.
Natyrisht s’kam kohë t’ju përgjigjem secilës propagandë e aq më tepër kur jam në vlugun e punës.
Jam i përkushtuar dhe i angazhuar t’ju shërbej qytetarëve në 24 orë, pa dallim.
Komuna e Suharekës është shtëpia ime e madhe dhe unë jam kryeshërbëtori i saj.
Me respekt
Bali Muharremaj/InLajmi/
