Kryetari i Kuvendit, Glauk Konjufca, në konferencën e nivelit të lartë “gjuha e urrejtjes në diskursin publik” tha se se gjuha e urrejtjes është fenomen global që po e sfidon secilin shtet.
Konjufca tha se gjuha e urrejtjes rezulton nga abuzimi me të drejtën e lirisë së shprehjes dhe është një keqpërdorim i një të drejte ekzistuese, teksa shtoi se si të tillë duhet luftuar.
“Pra, si e tillë, kur ajo e merr formën e urrejtjes dhe vendoset në shërbim të urrejtjes, atëherë kjo është një parapërgatitje dhe lehtësim i krimit dhe në të gjitha ato ngjarje tronditëse të historisë së njerëzimit, jemi përballur drejtpërdrejt me gjuhen e urrejtjes”.
“E kemi kuptuar se kur disa institucione, disa individë që përfaqësojnë shtetin ty të shohin dhe të kategorizojnë si nivel të një qenie jonjerëzore, atëherë kjo është parapërgatitje për një mënyrë e cila nuk ka kufi dhe shkakton tragjedi të mëdha”, tha Konjufca.
Më tej, ai tha se gjuha e urrejtjes është shumë e sofistikuar, e cila mund të vërehet edhe në nëntekste të ndryshme të gjuhës publike në Kosovë, institucione, media e rrejte sociale, njofton Klankosova.tv.
“Fatkeqësisht në Kosovë na ka ndodhur që gjuhë të urrejtjes kemi zbuluar edhe në librat shkollorë, në institucionet tona të edukimit”, tha ai.
