Deputeti i LDK-së, Avdullah Hoti, kritikon qeverisjen aktuale për mungesën e politikave fiskale e cila thotë ai do të siguronte punësim e prodhim të qëndrueshëm, përcjell InLajmi.
Tutje shprehet Hoti se në 3 vite të qeverisjes së Albin Kurtit, nuk ka asnjë politikë ekonomike e fiskale dhe se kjo qeveri nga fillimi ka trend rënës të ekonomisë.
Për më tepër Hoti shprehet se “Pa zot shtëpie që kujdeset për ekonominë e bashkëpunon me sektorin privat, rritja ekonomike është shafitur në nivele të ulëta që as amortizimi i kapitalit nuk mbulohet”.
Sipas tij, e gjithë politika ekonomike është reduktuar në subvencione, të cilat mundësojnë mbijetesë, por jo zhvillim.
Postimi i plotë i tij:
Trendi rënës i ekonomisë po vazhdon gjatë gjithë mandatit të kësaj qeverie që nga 3 mujori i 2-të i vitit 2021 kur e nisën mandatin.
Pa zot shtëpie që kujdeset për ekonominë e bashkëpunon me sektorin privat, rritja ekonomike është shafitur në nivele të ulëta që as amortizimi i kapitalit nuk mbulohet.
Kjo ka qenë e pritshme. Në 3 vite të qeverisjes, nuk ka asnjë politikë ekonomike e fiskale që siguron punësim e prodhim të qëndrueshëm. Investimet publike në tri vitet e fundit janë tkurrur jashtëzakonisht shumë. E gjithë politika ekonomike është reduktuar në subvencione, të cilat mundësojnë mbijetesë, por jo zhvillim./InLajmi/
