Njohësi i çështjeve politike, Arbnor Sadiku, në një prononcim dhënë për “Gazeta Blic” ka folur në lidhje me takimin e mbajtur dje ndërmjet Kurtit dhe Vuçiq në Bruksel.
Sadiku tha se qëndrimet e kryeministrit Kurti nuk trumbetonin asgjë përveç një retorike populiste.
“Ishin qëndrime qe nuk trumbetonin asgjë pertej një retorike populiste, e cila nuk ofronte pragmatizem politik, por, vetëm qendrim ne hapat fillestar të zotit Kurti” tha Sadiku.
Ai tutje tha se kryeministri Kurti nuk tregoi vullnet politik për ta tejkaluar veten dhe për të shënuar një pikë kthese në dialogun Kosovë-Serbi.
“Kurti nuk tregoj vullnet politik për tejkaluar vetveten dhe shënoj një pikë kthese në dialogun Kosovë-Serbi” deklaroi Sadiku.
Përfaqësuesi i Lartë i Bashkimit Evropian pas takimit disa orësh të mbajtur në Bruksel mes kryeministrit Kurti dhe presidenti serb Vuçiq, deklaroi se kryeministri i Kosovës nuk ka qenë i gatshëm të pranojë propozimin e bërë nga diplomatët evropianë.
Palët kanë filluar nga anë të ndryshme. Propozimi ynë ishte që palët të punojnë paralelisht, ky ishte propozimi”, ka thënë Borrell.
“Sot u mundova që të gjej zgjidhje për rrugën përpara duke u bazuar në propozimin tonë. Fatkeqësisht, Kurti nuk ishte i gatshëm që të lëvizë përpara dhe të fillojë që ta themelojë Asociacionin. Ai insistoi me njohjen e Kosovës. Ndërsa Vuçiqi e ka pranuar propozimin tonë”, ka thënë Borrel.
Borrel deklaroi para mediave se kryeminsitri i Kosovës, Kurti, insistoi që të formalizohet njohja de-facto nga Serbia. Ai tutja tha që presidenti serb Aleksandar Vuçiq pranoi kompromisin e paraqitur nga BE-ja, por në fund s’pati dakordim.
