Ish-kryeministri i Kosovës, Ramush Haradinaj në takimin e organizuar nga “Grupi për Ballkanin” ndërsa foli për bisedimet Kosovë-Serbi, shprehu shqetësimin për mungesën e komunikimit me kryeministrin Albin Kurti, raporton InLajmi.
Lideri i AAK-së, theksoi se mos komunikimi me kryeministrin po e pamundëson kontributin e opozitës në procesin e dialogut.
Sipas tij në kohën e ish-presidentët Ibrahim Rugova e Thaçi, ishte krejt ndryshe.
“Mund t’i përmend disa mësime që i kam mësuar vetë, por gjatë kohëve të vështira, kur ka qenë presidenti Rugova ose Thaçi ka pasur një mënyrë komunikimi, dhe tani jemi të shqetësuar që nuk po mund të komunikojmë ose kontribuojmë në dialog. Ky është shqetësimi ynë që nuk po mund të komunikojmë, nuk e kemi një tryezë ose grup për këtë temë”, tha Haradinaj.
Nga ana e saj Baronesha Catherine Ashton, ish-përfaqësuesja e Bashkimit Evropian për Punë të Jashtme dhe Siguri, tha se pajtohet Haradinajn.
“Ke të drejtë për komunikimin, ne duhet të përmirësohemi që të komunikojmë në Kosovë e Serbi, por është tejet e rëndësishme. Nuk ka dyshim se duhet punuar në këtë, po nuk kam pikë dyshimi se kur Kosova t’i përmbushë kushtet për tu bërë pjesë e BE-së do bëhet. BE-ja vetë nuk njeh shtet, kur Kosova të jetë gati do i bashkohet BE-së”, u shpreh Ashton/InLajmi/.
