Nënkryetarja e PDK-së, Vlora Çitaku, ka folur për takimin që do të mbahet ndërmjet kryeministrit, Albin Kurti dhe Aleksandar Vuçiqit, përcjell InLajmi.
Çitaku është shprehur se Kosova për herë të parë shkon në dialog si palë e sanksionuar nga aleatët.
Sipas saj krejt kjo po ndodhë për shkak të qasjes së papërgjegjshme dhe avantureske të kryeministrit, Albin Kurti.
Ndërkohë ajo kërkon nga kryeministri që në takimin e sotëm në Bruksel të sillet përgjegjshëm, sepse thotë Çitaku “Kosova është më e rëndësishme se egoja e tij”.
Postimi i plotë i saj:
Sot në Bruksel, Kosova ecë në një teren krejtësisht të panjohur.
Si rezultat i qasjes së papërgjegjshme dhe aventureske të Albin Kurtit, për herë të parë në historinë tonë të re, që nga Rambuje e tutje, në përballje me Serbinë, Kosova është pala e sanksionuar nga aleatët tanë.
Sot, Kryeministri duhet të sillet përgjegjshëm.
Kosova është më e rëndësishme se egoja e tij./InLajmi/
