Dogana e Kosovës njofton se në vazhdim të aksionit të 11 shtatorit 2023, janë konfiskuar mallra në vlerë 10.000 euro në Fushë-Kosovë.
Në njoftimin e Doganës së Kosovës thuhet se
“pas parandalimit të tentativës së kontrabandës së auto-pjesëve dhe instrumenteve tabelorë në pikëkalimin kufitar të Vërmicës më 11 shtator 2023, njësitë e Doganës kanë vijuar hetime për të ndalur veprimtarinë e paligjshme të kësaj natyre.”
Si rezultat i hetimeve, Dogana njofton se është arritur të lokalizohet objekti ku këto pjesë të makinave tregtoheshin në mënyrë të padeklaruar.
Bëhet e ditur se lidhur me këtë rast është njoftuar edhe Prokuroria Themelore në Prishtinë
Njoftimi i plotë:
Konfiskohen mallra me vlerë 10.000 euro në vazhdimin e aksionit
Prishtinë 14 shtator 2023, Pas parandalimit të tentativës së kontrabandës së auto pjesëve dhe instrumenteve tabelorë në pikë kalimin kufitar të Vermicës me datën 11 shtator 2023, njësitë e Doganës kanë vijuar hetime për të ndalur veprimtarinë e paligjshme të kësaj natyre.
Si rezultat i hetimeve është arritur të lokalizohet objekti ku këto pjesë të makinave tregtoheshin në mënyrë të padeklaruar. Pas identifikimit të lokacionit është bërë edhe bastisja e këtij lokacion në Fushë Kosovë. Në objekt janë gjetur pjese rezervë, ulëse dhe pjese të tjera të enterierit të veturave. Personat përgjegjës nuk ka pasur dokumentacion përkatës dhe dyshohet se është i kontrabanduar në territorin e Republikës së Kosovës. Vlera e mallit të konfiskuar llogaritet të jetë rreth 10,000 Euro. Gjithashtu lidhur me ketë rast është njoftuar edhe Prokuroria Themelore në Prishtinë. Ky sukses i Doganës së Kosovës dëshmon një herë tjetër përkushtimin në luftën kundër kontrabandës dhe aktivitete ilegale./InLajmi/
