Kryetari i Komunës së Preshevës, Shqiprim Arifi, njofton se është takuar me të dërguarin e posaçëm të SHBA-së për Ballkanin Perëndimor, Gabriel Escobar, me të cilin kanë biseduar për zhvillimet aktuale politike me theks për çështjen e Luginës së Preshevës, përcjell InLajmi.
Arifi është shprehur se në bisedë me Escobar, adresova shqetësimin e madh mbi privimin e të drejtave bazë të shqiptarëve në Luginë të Preshevës si dhe ka kërkuar ndalimin e procesit të pasivizimit të adresave, proces i cili sipas tij, shkel drejtpërdrejtë të drejtat elementare njerëzore.
Tutje ka theksuar Arifi se “Lidhja e ngushtë politike me SHBA-në është e pandryshueshme dhe njëherit garancë për forcimin e Republikës së Kosovës”
Sipas tij, sa më e fortë Kosova, po aq Lugina e Preshevës.
Postimi i plotë i tij:
Në takim me Zëvendës-ndihmësin e Sekretarit të Shtetit dhe i dërguar i posaçëm i SHBA-ve për Ballkanin Perëndimor, z.Gabriel Escobar, mundësi diskutimi mbi zhvillimet aktuale politike dhe veçanërisht për çështjen e Luginës së Preshevës.
Adresova shqetësimin e madh mbi privimin e të drejtave bazë të shqiptarëve në Luginë të Preshevës si dhe kërkova ndalimin e procesit të pasivizimit të adresave, proces i cili shkelë drejtpërdrejtë të drejtat elementare njerëzore.
Lidhja e ngushtë politike me SHBA-në është e pandryshueshme dhe njëherit garancë për forcimin e Republikës së Kosovës. Sa më e fortë Kosova, po aq Lugina e Preshevës!.InLajmi/
