Kryetari i Prishtinës, Përparim Rama, njofton se për shkak se nuk kanë respektuar kushtet e kontratave të nënshkruara gjatë ditëve të fundit janë shkëputur 3 kontrata me kompanitë e papërgjegjshme, përcjell InLajmi
Rama, u shpreh se kompanitë në fjalë nuk kanë dëshmuar profesionalizëm e seriozitet në zbatimin e planit dinamik dhe kanë pasur ngecje të mëdha në realizim të punimeve duke vështirësuar kështu edhe jetën e qytetarëve në lokacionet përkatëse.
I par i kryeqyteti thekson se nuk do të ketë tolerancë e joseriozitet në projektet e kryeqytetit.
Postimi i plotë i tij:
Ditëve të fundit kemi shkëputur 3 kontrata me kompani të papërgjegjshme të cilat nuk kanë respektuar kushtet e kontratave të nënshkruara.
Kompanitë në fjalë nuk kanë dëshmuar profesionalizëm dhe seriozitet në zbatimin e planit dinamik. Rrjedhimisht, kanë pasur ngecje të mëdha në realizim të punimeve duke mbajtur projektet e papërfunduara dhe duke vështirësuar jetën e qytetarëve në lokacionet përkatëse. Nuk do të tolererojmë papërgjegjësi dhe joseriozitet në projektet e Kryeqytetit. Kompanive që tilla do t’u konfiskojmë sigurimin e ekzekutimit të punimeve që arrin vlerën 10% të shumës së projektit.
Do të vazhdojmë të sigurojmë cilësi e standard të ri të ndërtimit në rrugëtimin tonë të transformimit të Kryeqytetit./InLajmi/
