Kristjan Asllani ishte padyshim një nga protagonistët e suksesit ndaj Polonisë, teksa bëri mjaft mirë shpërndarjen e lojës. Në përfundim të takimit mesfushori i Interit vuri theksin te forca e grupit, si çelësi i suksesit të Shqipërisë së Sylvinhos.
Një ndeshje fantastike, e një skuadre të vërtetë…
“E dinim rëndësinë e ndeshjes dhe forcën e kundërshtarit. Ata u mbrojtën mirë në pjesën e parë, por gjetëm atë supergol të Asanit. Në pjesën e 2-të na vunë disi në vështirësi, por na shkoi shumë mirë dhe morëm këto 3 pikë.”
Vuajtëm pak, por më pas u ngritëm dhe reaguam mirë…
“E dinim që polakët kanë shumë individualitete, por u treguam më shumë skuadër nga fillimi në fund dhe më pas rezultati ishte me ne.”
Grupi është arma më e fortë e Kombëtares. Si ndiheni ju lojtarët me njëri-tjetrin?, shkruan abcnews.al.
“Është e vërtetë që me këtë trajner jemi bërë një grup shumë kompakt. Rrimë shumë bashkë dhe flasim shpesh, edhe jashtë fushe. Trajneri Sylvinho ka punuar shumë për të forcuar grupin dhe jemi shumë të kënaqur për këtë.”
