Kryeministri i Shqipërisë, Edi Rama ka komentuar përplasjen e fundit në Gjykatën Speciale në Hagë, mes avokatit të Kadri Veselit, Ben Emmerson dhe dëshmitarit të “Human Rights Watch”, Fred Abrahamsit, përcjell InLajmi.
Kryeministri shqiptar thotë se me këtë moment ndjehesh vërtetë keq për ideatorët e kësaj trupore speciale, që sipas tij, special ka vetëm misionin e saj të pamundur të prokurorëve të saj për të provuar se Thaçi e të tjerët janë kriminelë lufte.
Tutje ai ka thënë se ky gjyq po kthehet në barrë në ndërgjegjen e botës demokratike.
Postimi i plotë i tij:
“Mos e humbni këtë video nëse jeni të interesuar të shihni e të dëgjoni se si balta e propagandës kundër UÇK-së ka ngjitur deri në raportin e një organizate prestigjioze si Human Rights Watch”.
“Ky është një moment i gjyqit kundër Presidentit Thaçi dhe udhëheqësve të tjerë të UÇK-së në Hagë, ku ndjehesh realisht keq për ideatorët e kësaj trupe speciale, e cila deri më tash special ka vetëm misionin e saj të pamundur të prokurorëve të saj, për të provuar se Hashim Thaçi, Kadri Veseli, Jakup Krasniqi dhe Rexhep Selimi janë kriminelë lufte”, “Ky gjyq po kthehet në një barrë në ndërgjegjen e botës demokratike”, /InLajmi/
