Kryetarja e FSSHK-së, Tevide Imeri, tha se rritja e pagave është më e evidente tek mjekët ndërsa janë hequr shumë shtesa tek punëtorët e tjerë shëndetësorë.
‘Rritja e pagave e cila është bërë është më evidente tek mjekët. Janë heq shumë shtesa për të cilat akoma kemi probleme për të cilat nuk ka një Udhëzim Administrativ apo rregullore e cila do t’i rregullonte këto çështje. Në të kaluarën psh ka patur një shujtë të cilën e kanë marrë vazhdimisht punëtorët, ka patur një shtesë në pagë, kanë marrë gadishmëri dhe rrezikshmëri.
Ato tani janë hequr të gjitha dhe punëtorët shëndetësore tani marrin vetëm një kujdestari, e cila është obligim ligjor sepse punon jashtë orarit të punës, ndërsa të hyrat tjera të cilat i kanë realizu nuk i marrin asnjë dhe nuk mendoj se është ndonjë rritje që të bëhet lajm” tha Imeri për “Gazeta Blic”
Ajo tutje shtoi se me Ligjin e ri të Pagave ka patur një zbritje tek infermierët dhe stafi mbështetës në një kohë kur inflacioni është rritur.
Kryetarja e FSSHK-së tha se ka një kërkesë nga një Spital regjional që të hyjmë në protestë të gjithë punëtorë shëndetësorë në lidhje me këto shqetësimet që ka sjellë Ligji i Pagave.
“Kemi disa shqetësime tepër të larta në raport me infermierët dhe stafin mbështetës që është në kuadër të shëndetësisë, sepse kanë bërë zbritje tek këta. Shumë shpejt presim me ba një takim me të gjitha këto kategori që janë prek. Ju e dini se ku ka arrit inflacioni dhe sot me zbrit pagën, nuk ka sens dhe logjikë.
Ka shumë ankesa, dje kemi patur tri grupe që kanë ardhë për me u anku.
Konsideroj se Ligji i Pagave është ngutur për me fillu me u implementu dhe konsideroj se do të duhej edhe minimumi edhe 2 muaj të punohet rreth akteve nën-ligjore për t’i rregulluar mangësitë e Ligjit të Pagave i cili ka plot mangësi dhe kjo po na sjell shumë telashe dhe ka shumë pakënaqësi. Kam një kërkesë nga një Spital regjional që të hyjmë në protestë të gjithë punëtorë shëndetësorë në lidhje me këto shqetësimet që ka sjellë Ligji i Pagave” tha Imeri në një intervistë dhënë për “Gazeta Blic”
