Kryetari i Aleancës për Ardhmërinë e Kosovës, Ramush Haradinaj, në 24 vjetorin e themelimit shprehet se Policia e Kosovës është institucion model edhe për vendet e rajonit dhe shembull i integritetit e profesionalizmit, përcjell InLajmi.
Haradinaj me krenari flet për policët e Kosovës, ndërsa thekson se Policia e Kosovës është një prej sukseseve më të mëdha të shtetit tonë
Ai thotë se policia jonë, me profesionalizëm e devotshmëri po e kryen detyrën e shenjtë të ruajtjes së rendit dhe ligjit.
Për më tepër Haradinaj kujton të gjithë policët e rënë në krye të detyrës.
Postimi i plotë i tij:
24 vjet të Policisë së Kosovës!
Policia e Kosovës është një prej sukseseve më të mëdha të shtetit tonë, institucion ky që konsiderohet model edhe për vendet e rajonit.
Ata vazhdojnë të jenë shembull i integritetit dhe profesionalizmit në shërbim të komunitetit. Policia jonë, me profesionalizëm e devotshmëri po e kryen detyrën e shenjtë të ruajtjes së rendit dhe ligjit. Andaj, shteti duhet ta ketë prioritet ofrimin e kushteve të favorshme, në raport me kompleksitetin e detyrave që kryejnë.
Mirënjohës të gjithë pjesëtarëve të Policisë, për shërbimin ndaj Atdheut. Kujtojmë me nder e respekt ata që ranë në krye të detyrës.
