Ish-Kryetari i Odës Ekonomike të Kosovës, tani zyrtar Lidhjes Demokratike të Kosovës, Berat Rukiqi, ka drejtuar akuza në drejtim të Lëvizjes Vetëvendosje, duke thënë se po manipulojnë me shifrat për Investimet e Huaja Direkte, përcjell InLajmi.
Rukiqi, e shpërfaq këtë “mashtrim” duke treguar se Vetëvendosje i përdor për krahasim muajt që ju kanë konvenuar më shumë.
Tutje ka shtuar Rukiqi se qeveria aktuale ka performancën më të dobët në realizimin e investimeve kapitale, derisa nuk ka arritur të fillojë as edhe një projekt të rëndësishëm për vendin.
Sipas tij, qeveria Kurti vetëm se ka përkeqësuar rejtingun e Kosovës për investime të jashtme duke prodhuar kriza të njëpasnjëshme.
Rukiqi , thekson se e vetmja rrugë e kësaj qeveri për të treguar një “sukses” është tentimi për manipulim me statistika e grafikone të hiperbolizuara.
Postimi i plotë i tij pa ndërhyrje:
Nje tjeter manipulim statistikor dhe me infografike nga zyra per propagande e Levizjes Vetevendosje. Kesaj rradhe me shifrat e Investimeve te Huaja Direkte, duke krahasuar te dhenat e çerekut te pare te vitit 2022, me te dhenat e çerekut te pare te vitit 2023, pra duke i perdorur per krahasim muajt te cilet ju kane konvenuar me shume.
Nje qeverie, me performancen me te dobet ne realizimin e investimeve kapitale, qe nuk ka arritur te nis asnje projekt te rendesishem per ekonomine e vendit, e per me shume e ka perkeqesuar rejtingun e Kosoves per investime te jashtme, duke prodhuar kriza te vazhdueshme, e vetmja rruge per te treguar ndonje “sukses”, eshte tentaviva per manipulim, me statistika te paqendrueshme dhe grafikone te hiperbolizuara.
Kontributi me i rendesishem i ketij pushteti ne ekonomine e vendit jane prodhimi i videove propaganduese dhe infografikes me manipulime statistikore./InLajmi/
