Ballkani të premten ka mësuar kundërshtarët e fazës së grupeve të Confernce League.
Kampioni i Kosovës është pjesë e Grupit C, së bashku me Dinamo Zagrebin, Victoria Plzen dhe Astanan.
UEFA tashmë ka bërë të ditur edhe datat e ndeshjeve të Ballkanit në Conference League.
Skuadra suharekase ndeshjen e parë do të luaj në Çeki, kundër skuadrës së Plzenit me 21 shtator.
Ndeshjen e parë si vendas, Ballkani do ta luaj me 5 tetor kundër Dinamo Zagrebit.
Më pastaj kampioni i Kosovës luan 2 ndeshje rresht me Astanën, e para zhvillohet më 26 tetor në Kosovë, ndërsa e 2-ta në Kazakistan me 9 nëntor.
Me 30 nëntor Ballkani luan në shtëpi ndaj Plzen, kurse e mbyll fazën e grupeve si mysafire e Dinamo Zagrebit më 14 dhjetor, shkruan lajmi.net.
Kujtojmë që skuadra e drejtuar nga Ilir Daja ka siguruar për herë të 2-të radhazi kualifikimin në grupet e Confernece League.
