Barcelona ishte tejet aktive në këtë afat kalimtar veror, duke bërë disa transferimeve që pak kush mund t’i mendonte se do t’i realizonin.
Këto dyshime ishin për shkak se klubi katalunas nuk është në gjendje të mirë financiare, por që në marrëveshje me prurjet e reja që t’i ulin pagat dhe duke i marrë disa në huazim, ia dolën t’i realizonin transferimet.
Më poshtë mund t’i shikoni lojtarët më të paguar te Barcelona dhe kjo vlerë është dhënë në vlerën neto, sipas Capology:
1. Frenkie de Jong – 18,000,000 euro;
2. Robert Lewandowski – 10 000 000 euro;
3. Ilkay Gundogan – 9 000 000 euro;
4. Jules Kounde – 6.500.000 euro;
5. João Cancelo – 6 000 000 euro;
5. Raphinha – 6 000 000 euro;
7. Joao Felix – 5 000 000 euro;
8. Ferran Torres – 4 800 000 euro;
9. Pedri – 4 500 000 euro;
9. Inigo Martinez – 4 500 000 euro.
Sa i përket pagës së De Jong, thuhet se mund të ulë pagën së shpejti, pasi në këtë vlerë vështirë se mund të qëndrojë te katalunasit, shkruan Telegrafi.
Ndërsa, Joao Felix fiton edhe më pak se kaq, sipas disa burimeve – 3 milionë euro. Portugezi ka ulur përgjysmë pagën e tij në Atletico Madrid për t’iu bashkuar Barcelonës.
