Presidentja e Republikës së Kosovës, Vjosa Osmani ka uruar fillimi e vitit të ri shkollor në mbarë vendin, ndërsa ka theksuar se beteja për dije nuk duhet përfunduar kurrë.
Ndërsa ka uruar presidentja është shprehur se “Me mendje të hapura për dije dhe zemra të mbushura me emocione, nxënësit tanë po e nisin këtë vit të ri shkollor, i cili është një kapitull i ri, një mundësi për të mësuar diçka të re, për ta sfiduar veten dhe për ta zgjeruar horizontin e dijes”
Tutje e para e shtetit theksoi se beteja për dije nuk përfundon kurrë.
“Ndërsa po nisni një vit të ri shkollor, le ta sjellim në vëmendje se arsimimi nuk ka të bëjë vetëm me libra dhe teste, por me kultivimin e ndjeshmërisë, të menduarit kritik dhe kreativitetin. Beteja për dije nuk përfundon kurrë! Urime 1 shtatori! Sukseset e shënofshin çdo ditë të këtij viti shkollor!”, tha Presidentja Osmani.
