Milani ka marrë fitoren e 3-të në po kaq ndeshje në Serie A, duke mposhtur edhe Romën e Mourinho-s të zhvilluar në Olimpico.
Milani dominoi totalisht takimin deri në minutën e 61 kur realizoi edhe 2 gola, fillimisht me Giroud nga pika e penalltisë dhe Leao me nisjen e pjesës së 2-të. Më pas, Tomori e la ekipin me një lojtar më pak pas 2 kartonëve të verdhë duke i dhënë Romës më shumë hapësira.
Trajneri portugez aktivizon menjëherë Lukakun e shumëpërfolur në merkaton e verës, i cili prezantohet me bluzën e Romës me një goditje vetëm pak mbi traversë, por vetëm kaq.
Në fund, Milani mori tri pikët e radhës duke u ngjitur në krye të Serie A përkohësisht i vetëm.
