Lideri i Partisë Demokratike të Kosovës, Memli Krasniqi, ndihet krenar me rininë e Kosovës për vullnetin e ndërtimit të së ardhmes në vend, pavarësisht keqqeverisjes aktuale, përcjell InLajmi
Ndërsa ka folur për rinin dhe të ardhmen e tyre, Krasniqi shprehet i mahnitur me energjinë dhe pozitivitetin e të rinjve, këtë thotë ai e kuptoi nga aktivitetet njëmujore të organizuar nga Partia Demokratike e Kosovës të quajtur “Muaji i Rinisë”.
Për më tepër Krasniqi theksoi edhe angazhimin e të rinjve demokratik për ndryshim përmes aktiviteteve simbolike në kundërshtim të keqqeverisjes aktuale.
Krasniqi i emocionuar thotë se ndihet krenar me rininë tonë.
Postimi i plotë i tij:
Energji pozitive dhe bashkëbisedime përmbajtjesore me të rinjtë e mrekullueshëm të Kosovës, në përmbyllje të “Muajit të Rinisë”, të organizuar nga Rinia Demokratike e Kosovës. Me aktivitete nga më të ndryshmet prej diskutimeve, ngjarjeve kulturore, kujdesit për mjedisin, sfidimit në sporte të ndryshme, e deri te aksionet simbolike si reagim ndaj keqqeverisjes së vendit, për një muaj rresht, djem e vajza të reja anembanë Kosovës shkëmbyen përvojat dhe idetë e tyre për të ardhmen që e ëndërrojnë këtu. Mbrëmje fantastike. Krenar me të rinjtë tanë.
