Analisti Astrit Gashi, gjersa ka folur në lidhje me ndërmjetësimin e BE-së në dialogun për normalizimin e raporteve mes Kosovës dhe Serbisë, ka deklaruar se përfaqësuesi i Lartë i BE-së, Josep Borrell, ka dështuar në Ohër.
Gashi ka vlerësuar se Marrëveshja e Ohrit ishte një dështim i madh i ndërmjetësimit evropian dhe u realizua vetëm pas ndërhyrjes së SHBA-ve.
Ai ka shprehur skepticizmin e tij në lidhje me rolin e BE-së dhe Borrell në procesin e dialogut, duke pyetur se si do të përfshihen SHBA-të në këtë proces dhe nëse do të kenë një qëndrim të fortë për zbatimin e Marrëveshjes.
“Unë nuk shoh një angazhim ekstrem serioz të SHBA-së në këtë proces, po i shoh sikur po i shkojnë mbas BE-së, po flasin po japin deklarata të mëdha por nuk po shoh seriozitet”, ka deklaruar Gashi.
Analisti gjithashtu ka shprehur dyshimin e tij në fuqinë e Bashkimit Evropian në dialogun Kosovë – Serbi dhe e ka quajtur “krejt qesharak në ndonjë rast.”
“Në raport më dialogun, shtrohet pyetja cila do të jetë involvimi i SHBA-së, përndryshe Borrell ka dështuar edhe në Ohër, dështimi më i madh i ndërmjetësimit evropian ka qenë Marrëveshja e Ohrit, e cila në fudn të fundit është bërë një gysmë marrëveshje por pas insistimit dhe ndërhyrjes së amerikanëve. Kështu që unë nuk kam ndonjë shpresë që BE-ja, Borrell e Lajçak kanë me arrit me pas ndonjë ndikim te cilado palë. Përfshirë këtu edhe tek kryeministri Kurti për me i shty proceset përpara. Tash cila do të jetë përfshirja e SHBA-së është pikëpyetja edhe pyetja që e kemi për në shtator. Nëse SHBA-ja do të jenë më të prera në qëndrimet për zbatimin e marrëveshjes apo do të jenë si të themi ashtu gjysmë- gjysmë sikur tash”, eshtë shprehur ai.
“Unë nuk shoh një angazhim ekstrem serioz të SHBA-së në këtë proces, po i shoh sikur po i shkojën permas BE-së, po flasin po japin deklarata të mëdha por nuk po shoh seriozitet. Bashkimi Evropian me aq sa po shoh nuk ka asnjë fuqi, madje është krejt qesharak në ndonjë rast”, ka deklaruar tutje Gashi.
