“Pasurimi i uraniumit nga Irani vazhdon bazuar në një kornizë të vendosur nga parlamenti i vendit”. Kështu u shpreh të dielën Mohammad Eslami kur u pyet në lidhje me raportet në lidhje me ngadalësimin e pasurimit 60% të Teheranit.
“Pasurimi ynë bërthamor vazhdon bazuar në ligjin kornizë strategjike,” tha Eslami, duke iu referuar një legjislacioni përkatës,
Në vitin 2020, parlamenti i Iranit miratoi një ligj që i kërkon qeverisë të marrë masa të tilla si rritja e pasurimit të uraniumit përtej kufirit të vendosur sipas marrëveshjes bërthamore të Teheranit të vitit 2015, nëse palët e tjera nuk respektojnë plotësisht marrëveshjen, shkruan Reuters
Pasi Uashingtoni hoqi dorë nga marrëveshja në 2018 dhe rivendosi sanksionet, Teherani filloi të shkelte kufizimet bërthamore të përcaktuara në pakt, transmeton Abc news.
Irani, i cili sipas marrëveshjes bërthamore mund të pasuronte uraniumin vetëm në 3.67%, filloi pasurimin e tij në pastërtinë 60% në vitin 2021, një lëvizje që e afron materialin e zbërthyeshëm në nivelet e përshtatshme për zhvillimin e një bombe. Teherani ka mohuar vazhdimisht se ka kërkuar një bombë bërthamore.
