Ditë më parë afër Beogradit, një patrullë e policisë së Serbisë ka ndaluar veturën e shqiptarit nga Gostivari, ndërsa i kanë marrë në stacion të policisë vetëm sepse djali i tyre i mitur, ka pasur të veshur një bluzë me shqiponjë, duke e gjobitur dhe duke i vënë non grata, përcjell InLajmi.
Në lidhje me këtë ngjarje ka pasur reagim deputeti i vetëm shqiptar në parlamentin serb, Shaip Kamberi.
Kamberi tha se ka pasur edhe raste kur shteti serb vepron kundër shqiptarëve.
Ai ka propozuar që të gjithë shqiptarët të vendosin flamurin Kuq e Zi në profilet e tyre në Facebook.
Postimi i plotë i tij:
“Shqiponja është e jona. Prandaj e mbajmë me krenari. Të gjithë shqiptarët kudo që jetojnë. Tendenca për t’na ndalu shqiponjën është tentativë për t’na mohu identitetin. Nuk pranojmë. Prandaj nuk mundeni. Në shenjë proteste për rastin e ndodhur ditë më parë, kur një fëmije shqiptar iu ndalua të mbante veshur fanellën me shqiponjë – Ta veshim Facebookin Kuq e Zi/InLajmi/
