Pas neutralizimit të vatrave në malin Shpirag, flakët janë përhapur në një zonë tjetër në Berat.
Zjarri ka përfshirë kodrat pranë liqenit të fshatit Mbreshtan. Era e fortë po përhap me shpejtësi flakët, ndërkohë që në vatrën pranë liqenit janë dislokuar forcat e ushtrisë dhe policisë.
Më herët, u vu nën kontroll zjarri në malin Shpirag, shkruan Top Chanel.
Flakët që nisën mbrëmjen e kaluar, u neutralizuan pas ndërhyrjes nga toka dhe nga ajri me helikopterin Cougar. Vatrat rrezikuan fshatin Starovë dhe Ramanic, ndërsa vetë banorë u përfshinë në aksionin për shuarjen e zjarrit.
