Disa vatra të mëdha zjarri kanë shpërthyer mbrëmjen e sotme në jug të Shqipërisë.
Zjarri ka përfshirë kodrat nga Kepi i Stillos deri në Katajeto, përballë fshatit Mursi në Bashkinë Konispol prej mëngjesit të sotëm dhe po vijon edhe gjatë orëve të mbrëmjes.
Nga pamjet dallohet situata e rëndë pasi vatrat e zjarrit janë të shumta, ndërsa kapaciteti zjarrfikës është tepër i vogël, shkruan Klan Tv.
Sipas voxnews, kjo zonë është pjesë e Parkut Kombëtar të Butrintit, por për fat të mirë, deri tani nuk rrezikohet përhapja e flakëve drejt qytetit antik.
