Policia e Kosovës ka njoftuar se 3 shtetas britanik kanë raportuar se sa ishin në lëvizje me veturë persona të panjohur kanë shtënë me armë në drejtim të tyre, përcjell InLajmi.
Sipas policisë nga gjuajtja me armë lëndime të lehta trupore ka pësuar njëri nga ta, ndërsa në vendin e ngjarjes janë gjetur 3 gëzhoja të pistoletës.
“3 viktimat meshkuj me shtetësi Britanike, kanë raportuar se persona të panjohur, nga një veturë në lëvizje kanë shtënë me armë zjarri në drejtim të tyre dhe si pasojë njëri prej tyre ka pësuar lëndime të lehta trupore. Në vendin e ngjarjes janë gjetur 3 gëzoja të pistoletës. Lidhur me rastin është intervistuar një i dyshuari mashkull kosovar, dhe nga ai është konfiskuar një pistoletë. Me vendim të prokurorit i dyshuari është liruar dhe rasti shkon në procedurë të rregullt”, thuhet në raportin e Policisë.
