Kryetarja e forumit të gruas të Lidhjes Demokratike të Kosovës , Jehona Lushaku-Sadriu, në një konferencë për media ka kërkuar dorëheqjen e ministres së Arsimit, Arbërie Nagavci, pasi që tekstet shkollore duhet të blihen nga prindërit e më pas do të rimbursohen nga Ministria, raporton InLajmi.
Lushaku Sadriu tha se Qeveria Kurti dhe Arbërie Nagavci kanë dështuar në sigurimin e librave për fëmijët e që janë të domodishme për tu siguruar nga qeveria.
“Sot i’u kemi ftuar për të shprehur qëndrimin e LDK për qasjen e Qeverisë për dështimin e sigurimit të teksteve mësimore për nxënësit. Është e pa precedent se 10 ditë para fillimit të vitit shkollor MASHT ka bërë të ditur se nuk janë siguruar tekstet për vitin 2023-2024, kjo ndodh për herë të parë në historinë e Kosovës dhe fëmijët mbesin pa tekste. Qeveri e Kosovës ka vendosur që të i’u bart përgjegjësin prindërve për blerjen e teksteve”. tha Lushaku-Sadriu
Ajo shtoi se sigurimi i teksteve shkollore duhet të jetë falas sepse ashtu është pararaparë me ligjet në fuqi në Kosovë.
“Sigurimi i teksteve shkollore dhe shpërndaj e tyre falas është e paraparë me ligjin në fuqi, ku thotë se tekste shkollore duhet të ofrohen dhe sigurohen falas, kjo Qeveri me këtë vendim i ka ikur përgjegjësin dhe ka shkelur ligjin në fuqi. Blerja me pakicë e librave do ti kushtoj më shumë buxhetit të shtetit. Në bazë të këtyre llogaritjeve çmimi i librave do të dalë 20% më shteret se sa është llogaritur. Qeveria do të paguaj më shtrenjtë rimbursimin e prindërve se sa të blinte vetë librat, shuma mund të shkoj më shumë se 2 milionë se sa është paraparë”, tha ajo.
Në emër të subjektit të saj politik LDK kërkon dorëheqjen e ministres Nagavci pasi sipas saj ka pasur keqmenagjim dhe shkelje sistematike të ligjeve.
“Kërkojmë dorëheqjen e menjëhershme të ministres Nagavci, për shkak të keqmenagjimit, shkeljeve sistematike të ligjeve në fuqi, e fillimisht Kushtetutës dhe të anarkisë së krijuar në sistemin e arsimit. Kosova nuk meriton një ministre që ka dështuar në çdo nivel të menaxhoj me arsimin por përfundimisht ka dështuar duke i’u bartur përgjegjësin prindërve”. /InLajmi/
