Kryetari i Partisë Demokratike të Kosovës, Memli Krasniqi, në 6 vjetorin e vdekjes së tij ka kujtuar ish-kryeministrin e parë të vendit, Dr.Bajram Rexhepin, pëcjell InLajmi.
Krasniqi në rrjetin ka thënë se Rexhepi ishte politikan parimorë duke ia kushtuar sipas Krasniqit një jetë të tërë atdheut dhe popullit.
Ai shtoi se Rexhepi do të mbetet si një hero i luftës dhe i paqës.
Postimi i plotë i tij:
6 vjet pa Bajram Rexhepin!
Politikan parimor, lider i përgjegjshëm, mjek profesionist e atdhetar, mik e bashkëpunëtor korrekt, familjar i dashur. I tillë do të mbetet në kujtesën e gjithsecilit prej nesh kryeministri i parë në Kosovën e pasluftës, doktori i UÇK-së, ish-kryetari i Komunës së Mitrovicës, ish-Ministri i Punëve të Brendshme, kirurgu i suksesshëm – Dr. Bajram Rexhepi.
Një jetë e tërë në shërbim të atdheut dhe popullit! – është fraza që e karakterizon më së miri jetën dhe veprën e Bajram Rexhepit.
I përjetshëm mbetet kujtimi për të!/InLajmi/
