Kryetari i AAK-së, Ramush Haradinaj, ka akuzuar kryeministrin Kurti duke thënë se është i vetmi kryeministër që nuk i besoj sistemit të shtetit të vet, përcjell InLajmi.
Haradinaj tha se operacionet më të ndjeshme të qeverisjes e shtetit, Kurti angazhon njerëz që janë jashtë institucioneve, “jarana”.
Ai shtoi se “këto janë ato lidhjet e shkurtëra të kapjes së shtetit me miq e dosllarë, për të cilat e kam pasë ngritur alarmin këtu e një vit më parë, lidhje këto të cilat po dalin në shesh përditë e më shumë”.
Postimi i plotë i tij:
Albin Kurti është i vetmi kryeministër që nuk i beson sistemit të shtetit të vet, por krijon sistem paralel. Ai edhe për operacionet më të ndjeshme të qeverisjes e të shtetit, që prekin edhe sigurinë kombëtare, angazhon njerëz që janë jashtë institucioneve, por që mjafton të jenë jarana të tij, siç ishte edhe rasti me Ridvan Muharremin.
Këto janë ato lidhjet e shkurtëra të kapjes së shtetit me miq e dosllarë, për të cilat e kam pasë ngritur alarmin këtu e një vit më parë, lidhje këto të cilat po dalin në shesh përditë e më shumë./InLajmi/
