Deputetja e LDK-së, Valentina Bunjaku-Rexhepi thotë se vendimi i MASHT-it që prindërit t’i blejnë tekstet mësimore vetë pastaj të bëhet rimbursimi nga ministria, është i papranueshëm.
Rexhepi në një prononcim për GazetaBlic kritkoi Qeverinë duke thënë se janë duke sjellur veç regre
“Është absurde, e papranueshme, të vjen deri te kjo situatë. Këta jo që sollën ndonjë progres tjetër, por vetëm regres”, tha Rexhepi.
“Dështuan në reforma në arsim, numër të ri të çerdheve, e tash mbingarkojnë dhe vonojnë tekstet, që do të shkaktojnë probleme në mbarëvajtjen e mësimit”, shtoi ajo
Rexhepi shtoi se një vendim i tillë nuk kishte ardhur nga asnjë qeveri e mëhershme, teksa përmendi edhe skandalet me energji, vaj e grurin.
“Prindërit në gjendje të vështirë ekonomike, është e papranueshme të mbingarkohen financiarisht, qoftë edhe nëse rimbursohen më vonë. Kjo nuk ka ndodhur në asnjë qeveri tjetër të mëhershme. Vërtet këta pas skandaleve me energji, vajin e grurin, e bëjnë edhe këtë gjë me tekstet mësimore, duke i dëmtuar rëndë nxënësit, prindërit dhe mësimdhënësit. Viti i ri shkollor sërish po nis me telashe. Nga pakujdesia e qasjes ndaj grevave më herët, tash në skandalin me vonesat e furnizimit falas me tekste mësimore për nxënësit”, tha Rexhepi për GazetaBlic.
