Një zjarr i egër që shpërtheu të shtunën herët në një zonë pyjore në Melia të Alexandroupolisit në Greqi ka dalë jashtë kontrollit dhe tani po shkon në jug drejt Egnatia Odos.
Zjarri në Aetochori dhe fshatin Pefkë ka mbërritur në banesat e para ku janë shkaktuar dëme materiale në shtëpi dhe në makina.
Njëkohësisht pranë shtëpive zjarri ka arritur edhe në fshatin Agnadia. Aktualisht 17 zjarrfikëse me 71 anëtarë, 6-të ekipe zjarrfikëse të ndihmuar nga5avionë zjarrfikës dhe dy helikopterë po luftojnë me flakët.
Një mesazh përmes numrit të urgjencës 112 u dërgua në orën 13:00 për banorët e Melia, Nipsa, Pefka dhe Loutro Alexandroupolis për të qenë në gatishmëri dhe për të ndjekur udhëzimet e autoriteteve.
Brigada e Zjarrfikësve tha se këto fshatra nuk janë aktualisht në rrezik por për shkak të erërave të forta që po fryjnë në zonë dhe tymit të dendur, banorët duhet të jenë gati që nëse është e nevojshme të largohen.
Paralelisht, rregullime të përkohshme të qarkullimit u zbatuan në Egnatia Odos në Kipi-Aleksandroupolis për shkak të zjarrit, shkruan Top Chanel.
Ndërprerja e qarkullimit nis nga kryqëzimi i Ardanit deri në zonën industriale të Aleksandropolisit në të dyja drejtimet
