Bill Clinton, ish-Presidenti i Shteteve të Bashkuara të Amerikës feston ditëlindjen e 77-të. Bill Clinton (Ëilliam Jefferson Clinton) lindi më 19 gusht të vitit 1946 në Hope, Arkansas, SHBA. Presidenti i 42-të i SHBA-ve ka më shumë se 22 vjet që ka lënë detyrën e kreut të shtetit në SHBA. Por në memorien e kombit tonë ai mbetet personaliteti më i rëndësishëm pro-shqiptar dhe ai që ka bërë më shumë se askush tjetër për shqiptarët.
Më 3 Korrik, në vigjilje të Ditës së Pavarësisë së SHBA-ve (4 Korrik), ish-Presidenti vizitoi Tiranën ku u prit me një ceremoni të veçantë.
Gjatë saj, ai u nderua me “Yllin e Mirënjohjes për Arritjet Publike”, çmimi më i lartë që jepet nga zyra e Kryeministrit.Çmimi u dorëzua në praninë e 1 mijë të ftuarve dhe me mijëra qytetarëve që kishin dalë në bulevardin “Dëshmorët e Kombit” për t’u bërë pjesë e nderimit të mikut më të madh të shqiptarëve, shkruan Klan tv.
Ish-Presidenti Clinton gëzon një popullaritet të madh mes shqiptarëve, për shkak të mbështetjes së tij për Kosovën dhe udhëheqjes së fushatës së bombardimeve ndaj Serbisë.
