Policia e Kosovës mëngjesin e së premtes ka arrestuar biznesmenin në lokalin e tij Ridvan Muharremi, ndërsa për orë të tëra policia ka bastisur ambientet e lokalit dhe banesën e tij, transmeton InLajmi.
Arrestimi i Muharremit, vjen pasi ai përmendet në disa përgjime rreth sigurimit të rezervave shtetërore.
Në aksionin e arrestimit dhe bastisjes nga Policia e Kosovës, në atë lokacion janë parë edhe veturat e EULEX-it.
Ndërsa ka përfunduar bastisja e banesës së Ridvan Muharremit, avokati i tij është shprehur se ende nuk ka flet arrest nga organet e rendit. Tutje ka shtuar avokati se ai tashmë i ka dorëzuar Policisë të gjitha provat.
Sipas raportimeve Policia ka bastisur edhe ambientet e Ministrisë së Tregtisë dhe Ndërmarrësisë, ndërsa në pranga kanë përfunduar 2 zyrtarë të këtij dikasteri qeveritar, të dyshuarit me inicialet H. G. dhe I. L.
Ndryshe kujtojmë se sipas përgjimit të publikuar ditë më parë, Muharremi dyshohet se është ndërmjetësues i marrëveshjes ndërmjet Kosovës dhe firmës nga Polonia, e cila s’i ka sjellë rezervat në Kosovë, pavarësisht pagesës që është kryer nga ministria e Rozeta Hajdarit.
Po ashtu një çështje tjetër ka të bëj me disa akuza të Ndue Gjinit ndaj Ridvan Muharremit, për dëshmitarë katolikë kundër ish-krerëve të UÇK-së në Hagë, ndërkohë që ndaj këtyre akuzave kishte reaguar vetë Muharremi i cili i quan shpifje. /InLajmi/
