Analisti politik Dragomir Angjelkoviq tha të hënën se presidenti i Serbisë, Aleksandar Vuçiq, ishte në dijeni për angazhimet e Përfaqësuesit të Lartë për Bosnje dhe Hercegovinë, Kristijan Shmit, për të ngritur aktakuzë kundër Presidentit të Republikës së Srpskës (RS), Milorad Dodik, dhe nuk e kundërshtoi, transmeton InLajmi.
Angjelkoviq tha për agjencinë Beta se interesat personale politike të Vuçiqit janë më të rëndësishme se interesat e popullit serb në Republikën Srpska apo në Kosovë.
Në pyetjen se pse autoritetet në Beograd nuk kanë reaguar ndaj aktakuzës kundër Dodikut, Angjelkoviq tha se Vuçiq gjatë gjithë kohës ka pasur komunikim të mirë me përfaqësuesin e lartë.
“Vuçiq në parim mbështet Dodik dhe Republikë Serbe për hir të votuesve të tij, por në praktikë ai nuk e pozicionon veten si mik as të Dodikut dhe as të RS. Vuçiq e përkrah Shmitin edhe pse nuk ka legjitimitet sepse nuk është zgjedhur nga Këshilli i Sigurimit. Në të njëjtën kohë, Vuçiq e sheh Dodikun si një partner të pakëndshëm, sepse ai shkakton probleme në marrëdhëniet e tij me Perëndimin”, tha analisti Angjelkoviq.
Angjelkoviq beson se Shmit është konsultuar me Vuçiqin para se të ngrejë aktakuzë kundër Dodikut.
“Shmiti dhe Vuçiq ruajnë marrëdhënie të mira dhe jam i sigurt se përfaqësuesi i lartë e ka njoftuar Presidentin e Serbisë për ngritjen e aktakuzës kundër Dodikut dhe se për këtë nuk ka marrë “dritën e kuqe” nga Beogradi”. Dodik nuk mund të llogarisë më në mbështetjen e Vuçiqit”, theksoi Angjelkoviq.
Natyrisht shtoi Angjelkoviq se presidentit të Serbisë, i cili po e dhuron Kosovën, nuk i intereson as Republika Srpska.
“Vuçiq betohet për Kosovën dhe Republikën Serbe, por në fakt për të këto janë monedha ryshfeti që do t’i jepte për hir të mbijetesës së tij personale në pushtet dhe pas kësaj të largohet nga pushteti në mënyrë paqësore kështu nuk do ti bënin problem as amerikanët”, përfundoi Angjelkoviq.
Kujtojmë se më 11 gusht, Prokuroria e Bosnjës dhe Hercegovinës ngriti aktakuzë kundër Presidentit të Republikës Serbe, Milorad Dodik dhe drejtorit të Gazetës Zyrtare, Millosh Lukiq, të cilët akuzohen për veprën penale të moszbatimit të vendimeve të Përfaqësuesit të Lartë të Bosnjës dhe Hercegovinës.
Aktakuza i është dorëzuar gjykatës për konfirmim dhe dënimi i paraparë për atë vepër penale është prej një deri në 5 vite burg.
Kabineti i Dodik e vlerësoi aktakuzën si një “përpjekje të drejtpërdrejtë” për të “zhbërë” institucionet e Republikës Serbe./InLajmi/
