Kryetari i Lidhjes Demokratike të Kosovës Lumir Abdixhiku, kritikoi Qeverinë duke thënë nuk kanë përmbyllur asnjë rrugë të vetme në të gjithë Kosovën, përcjell InLajmi.
Abdixhiku tha se projekti i i madh kapital që ndodhë sot në vend është ai i ‘Rrugës A’ në Kryeqytet, aty ku Qeveria qendrore fatmirësisht nuk ka asnjë rol.
Ai tha se në programin e ‘Rrugës së Re’ të gjitha projektet kapitale për qytetet e mëdha në vend do të përfundojnë brenda 30 muajve. Aq kohë duhet. Aq kohë do të marrin. Aq kohë do të kenë.
Kreu i LDK-së tha se në vitin e 3 të mandatit, flasin për tunele, Prizren – Tetovë, 200 milionë. Muhabetet s’kushtojnë. Ato megjithatë na shpërfaqen të njëjta sikurse para 3 viteve. Njëjtë me të njëjtat premtime dalin dhe sot.
Postimi i plotë i tij:
RRUGËT QË S’U BËNË DHE RRUGA E RE
Po e permbyllin vitin e 3 në Qeveri, por s’kanë përmbyllur dot një rrugë të vetme në gjithë Kosovën.
As atë për Mitrovicë, as atë për Podujevë, as për Pejë, as për Gjilan e as për Gjakovë. Qytete të tëra të lëna në harresë tash e 3 vjet! Qytetarë të tërë të maltretuar për çdo ditë.
Projekti i vetëm i madh kapital që ndodhë sot në vend është ai i ‘Rrugës A’ në Kryeqytet; aty ku Qeveria qendrore fatmirësisht nuk ka asnjë rol.
Sot, në vitin e 3 të mandatit, flasin për tunele, Prizren – Tetovë, 200 milionë. Muhabetet s’kushtojnë. Ato megjithatë na shpërfaqen të njëjta sikurse para 3 viteve. Njëjtë me të njëjtat premtime dalin dhe sot.
Të zënë me organizimin e protestave për mbështetje ndaj vetes merreni me mend të fiksuar me diskutime ndaj të shkuarës, të angazhuar në ndarje, sharje e përçarje, pra në thatësi politike kjo Qeveri nuk ka mundur të bëjnë as edhe një hap të vetëm në zhvillimin infrastrukturor të Kosovës.
Në programin e ‘Rrugës së Re’ të gjitha projektet kapitale për qytetet e mëdha në vend do të përfundojnë brenda 30 muajve. Aq kohë duhet. Aq kohë do të marrin. Aq kohë do të kenë. Dhe, natyrisht, jo me çmime absurde 12-13 milionëshe për kilometër, edhe më pak me aneks marrëveshje që falnin nga 54 milionë, por me kujdes ndaj parasë publike e pa ngarkesë buxhetore që paralizojnë sektorë të tjerë. /InLajmi/
