9 persona kanë vdekur dhe dhjetëra të tjerë dyshohet se janë bllokuar pasi një tempull i lashtë hindu u shemb në shtetin verior të Himachal Pradeshit në Indi për shkak të shirave të dendur.
Operacionet e shpëtimit janë duke u zhvilluar pasi tempulli në qytetin turistik të njohur Shimla u prek nga një rrëshqitje dheu.
Himachal Pradesh është përballur me shira të dendur gjatë ditëve të fundit, që shkaktuan përmbytje dhe rrëshqitje dheu.
21 kanë vdekur në 24 orët e fundit në incidente të lidhura me shiun.
Shefi i shtetit Sukhvinder Singh Sukhu, i cili ndodhet në vendin e rrëshqitjes së dheut, u tha gazetarëve se rreth 20-25 njerëz mund të jenë të bllokuar nën rrënoja, raporton BBC, transmeton Klankosova.tv.
Mijëra turistë vizitojnë shtetin kodrinor të Himachal Pradeshit, veçanërisht kryeqytetin e tij Shimla, gjatë gjithë vitit për të shijuar motin e tij të freskët dhe peizazhet piktoreske.
