Numri i kalimeve të jashtëligjshme kufitare në Bashkimin Evropian është rritur në nivel rekord në 7 muajt e parë të këtij viti, me 176.000 përpjekje për t’u futur në bllok, sipas agjencisë për menaxhimin e kufirit e BE-së, Frontex.
Kjo është shifra më e lartë për këtë periudhë kohore që nga viti 2016, dhe përbën një rritje prej 13%. Vetëm në muajin korrik, 42.700 njerëz e kaluan kufirin ilegalisht, një rritje prej 19% krahasuar me muajin korrik 2022. Megjithatë, Frontex raportoi se ka një rënie të kalimeve përmes Ballkanit Perëndimor, që është itinerari i 2-të më i përdorur nga emigrantët.
Më shumë se 52.200 emigrantë u përpoqën të futen në BE përmes kësaj rruge, duke shënuar rënie prej 26%, kryesisht për shkak të politikave më të ashpra për vizat, shkruan A2CNN.
Sipas të dhënave, më shumë së gjysma e përpjekjeve për të hyrë ne vendet e BE, u bënë përmes Mesdheut qendror, për shembull, nga Libia dhe Tunizia drejt Sicilisë dhe Maltës.
