Asociacioni i Gazetarëve të Kosovës, e quan të papranueshëm sulmin ndaj gazetarit Vullnet Krasniqi dhe kameramanit, Arbër Latifi në Prizren, përcjell InLajmi.
AGK-ja, kërkon nga Policia arrestimin e menjëhershëm të sulmuesve dhe përballjen e tyre të menjëhershme me drejtësinë.
Sipas raportimeve të medies, ata janë sulmuar dhe shtyrë fizikisht nga një pjesë e turmës protestuese derisa po kryenin punën e tyre.
Krasniqi dhe Latifi ishin atje për të raportuar për protestën e thirur nga imamët lokalë kundër festivalit “Dokufest”.
Njoftimi i plotë nga Asociacioni i Gazetarëve të Kosovës:
AGK-ja e dënon sulmin fizik ndaj ekipit të Nacionales në Prizren
Asociacioni i Gazetarëve të Kosovës – AGK, është i tronditur me sulmin ndaj ekipit të portalit Nacionale, gazetarit Vullnet Krasniqi dhe kameramanit, Arbër Latifi në Prizren.
Krasniqi dhe Latifi ishin atje për të raportuar për protestën e thirur nga imamët lokalë kundër festivalit “Dokufest”.
Sipas raportimeve të medies, ata janë sulmuar dhe shtyrë fizikisht nga një pjesë e turmës protestuese derisa po kryenin punën e tyre.
Ky është një sulm i papranueshëm dhe kërcënim serioz për sigurinë e gazetarëve.
AGK-ja, kërkon nga Policia arrestimin e menjëhershëm të sulmuesve dhe përballjen e tyre të menjëhershme me drejtësinë. /InLajmi/
